ರಾಜಋಷಿ ಮಹರ್ಷಿ ಭಗೀರಥ ಅವರ ಪ್ರಯತ್ನ, ಛಲ ಯುವ ಜನತೆಗೆ ಸ್ಪೂರ್ತಿ: ಯುವ ನಾಯಕಿ ಪ್ರಿಯಾಂಕಾ ಜಾರಕಿಹೊಳಿ

ಗೋಕಾಕ: ನಗರದ ಹಿಲ್ ಗಾರ್ಡನ್ ಕಛೇರಿಯಲ್ಲಿ ಯುವ ನಾಯಕಿ ಪ್ರಿಯಾಂಕಾ ಜಾರಕಿಹೊಳಿ ಅವರ ನೇತೃತ್ವದಲ್ಲಿ ರಾಜಋಷಿ ಮಹರ್ಷಿ ಭಗೀರಥ ಜಯಂತಿ ಆಚರಿಸಿದರು.

ಈ ವೇಳೆ ಯುವ ನಾಯಕಿ ಪ್ರಿಯಾಂಕಾ ಜಾರಕಿಹೊಳಿ ಅವರು ಮಾತನಾಡಿ ಶ್ರೀ ರಾಜಋಷಿ ಮಹರ್ಷಿ ಭಗೀರಥ ಅವರು ತನ್ನ ಪೂರ್ವಜರಿಗೆ ಮೋಕ್ಷ ನೀಡುವ ಉದ್ದೇಶದಿಂದ, ಗಂಗೆಯನ್ನು ಭೂಮಿಗೆ ತರಲು ತಪಸ್ಸು ಕೈಗೊಂಡರು. ತಮ್ಮ ಸತತ ಪ್ರಯತ್ನ, ತಪಸ್ಸು ಹಾಗೂ ಛಲದಿಂದ ಗಂಗೆಯನ್ನು ಭೂಮಿಗೆ ತಂದರು. ಅಂತಹ ರಾಜಋಷಿ ಮಹರ್ಷಿ ಭಗೀರಥ ಅವರ ಶತತ ಪ್ರಯತ್ನ,ಛಲ ಇಂದಿನ ಯುವ ಜನತೆಗೆ ಸ್ಫೂರ್ತಿಯಾಗಿದೆ ಎಂದರು.

ಈ ಸಂದರ್ಭದಲ್ಲಿ ಮುಖಂಡರಾದ ಪಾಂಡು ಮನ್ನಿಕೇರಿ, ವಿವೇಕ್ ಜತ್ತಿ, ಕಲ್ಪನಾ ಜೋಶಿ, ಪಾಂಡು ರಂಗಸೂಭೆ, ಅರವಿಂದ್ ಕಾರ್ಚಿ, ಲಗಮಣ್ಣ ಕಳಸನ್ನವರ ಭರಮಣ್ಣ ತೋಳಿ,ಮಾರುತಿ ಗುಟಗುದ್ದಿ, ಸುರೇಶ್ ಮುಡ್ಡಪ್ಪಗೋಳ, ಇಮ್ರಾನ್ ತಪಕೀರ ಹಾಗೂ ಹಿಲ್ ಗಾರ್ಡನ್ ಸಿಬ್ಬಂದಿ ವರ್ಗದವರು ಉಪಸ್ಥಿತರಿದ್ದರು.