ಗೋಕಾಕ ತಹಶೀಲ್ದಾರ ಕಚೇರಿಯ ಆವರಣದಲ್ಲಿ ಸ್ವಚ್ಛತೆ ಕಾಪಾಡುವಂತೆ ಸತೀಶ ಜಾರಕಿಹೊಳಿ ಫೌಂಡೇಶನ್ ನಿಂದ ಮನವಿ

ಗೋಕಾಕ: ತಹಶೀಲ್ದಾರ ಕಚೇರಿಯ ಆವರಣದಲ್ಲಿ ಸಿ.ಸಿ.ಕ್ಯಾಮರಾ ಅಳವಡಿಸಿ,  ಸ್ವಚ್ಛತೆ ಕಾಪಾಡಿಕೊಳ್ಳುವಂತೆ  ಸತೀಶ ಜಾರಕಿಹೊಳಿ ಫೌಂಡೇಶನ್ ವತಿಯಿಂದ ತಹಶೀಲ್ದಾರರಿಗೆ ಸೋಮವಾರ ಮನವಿ ಸಲ್ಲಿಸಲಾಯಿತು.

ಭಾನುವಾರ ತಹಶೀಲ್ದಾರರ ಕಚೇರಿಯ ಆವರಣದಲ್ಲಿ ಸ್ವಚ್ಛತಾ ಕಾರ್ಯಕ್ರಮವನ್ನು ಹಮ್ಮಿಕೋಳ್ಳಲಾಯಿತು. ಕಚೇರಿಯ ಆವರಣದಲ್ಲಿ ಕಸ ಮತ್ತು ಗುಟಕಾ ಪಾಕೇಟ್ ಬಿಸಾಡಿ ಹೋಗಿದ್ದರು.  ಇಲ್ಲಿರುವ ಅಸ್ಚಚ್ಛತೆ ( ಗಲಿಜು) ನ್ನು ಸತೀಶ ಜಾರಕಿಹೊಳಿ ಫೌಂಡೇಶನ್ ವತಿಯಿಂದ ಸ್ಚಚ್ಛಗೊಳ್ಳಿಸಲಾಗಿದೆ.

ಅಧಿಕಾರಿಗಳು ತಕ್ಷಣವೇ ಕಚೇರಿಯಲ್ಲಿ ಆವರಣದಲ್ಲಿ ಸಿ.ಸಿ.ಕ್ಯಾಮರಾ ಅಳವಡಿಸಿ, ಕಿಡಿಗೇಡಿಗಳ ಉಪಟಳ ತಪ್ಪಿಸಬೇಕು. ಇವರಿಂದ ಕಚೇರಿ ಸೌಂಧರ್ಯ ಕಳೆಗುಂದುತ್ತಿದೆ, ಹೀಗಾಗಿ ಅಧಿಕಾರಿಗಳು ಗುಟಕಾ ತಿಂದು ಉಗುಳಿದವರ ವಿರುದ್ದ  ದಂಡ ಪಾವತಿಸಿ, ಸೂಕ್ತ ಕ್ರಮಕೊಳ್ಳಬೇಕು.  ಶೌಚಾಲಯಗಳಲ್ಲಿ ಅಸ್ವಚ್ಛತೆ ತಾಂಡವಾಡುತ್ತಿವೆ.   ಇವುಗಳ  ಸ್ವಚ್ಛತೆಗಾಗಿ ಸಿಬ್ಬಂದಿ ನೇಮಕ ಮಾಡಿ, ಸಾರ್ವಜನಿಕರಿಗೆ ಕುಡಿಯುವ ನೀರು ವ್ಯವಸ್ಥೆ ಕಲ್ಪಿಸಬೇಕೆಂದು ಮನವಿ ಮೂಲಕ ಒತ್ತಾಯಿಸಿದರು.

ಈ ಸಂದರ್ಭದಲ್ಲಿ ರಿಯಾಜ್ ಚೌಗಲಾ, ಕಾಟೇಶ ಗೋಕಾಂವಿ, ಜುಬೇರ್ ಮಿರ್ಜಾಭಾಯಿ  ಹಾಗೂ ಸಂಘ-ಸಂಸ್ಥೆ ಸಿಬ್ಬಂದಿ ಇತರರು ಉಪಸ್ಥಿತರಿದ್ದರು.