ಮೃತ ಕಲಾವಿದನ ಚಿಕಿತ್ಸೆಯ ಸಂಪೂರ್ಣ ವೆಚ್ಚ ಭರಿಸಿದ ಯುವ ನಾಯಕ ರಾಹುಲ್ ಜಾರಕಿಹೊಳಿ

ಗೋಕಾಕ: ಕಳೆದ ತಿಂಗಳು ಅಪಘಾತಕ್ಕೀಡಾಗಿ ಮೃತಪಟ್ಟ ಗೋಕಾಕ ಕಲಾವಿದ ಶಿವಾನಂದ ಪೂಜೇರಿ ಅವರ ಚಿಕಿತ್ಸೆಗಾಗಿ ತಗುಲಿದ್ದ ಆಸ್ಪತ್ರೆಯ ವೆಚ್ಚವನ್ನು ಯುವ ನಾಯಕರಾದ ರಾಹುಲ್ ಜಾರಕಿಹೊಳಿ ಅವರು ನೀಡಿದರು.

ಅಪಘಾತಕ್ಕೀಡಾದಾಗ ಅವರನ್ನು ಗಂಗಾ ಆಸ್ಪತ್ರೆಗೆ ದಾಖಲಿಸಲಾಗಿತ್ತು, ಚಿಕಿತ್ಸೆ ಫಲಕಾರಿಯಾಗದೆ ಮರಣ ಹೊಂದಿದ್ದರು. ಇವರ ಚಿಕಿತ್ಸೆಯ ಸಂಪೂರ್ಣ ವೆಚ್ಚವನ್ನು ರಾಹುಲ್ ಜಾರಕಿಹೊಳಿ ಅವರು ಇಂದು ನೀಡಿದ್ದಾರೆ.

ಈ ಸಂದರ್ಭದಲ್ಲಿ ಡಾ.ಗಂಗಾಧರ ಉಮರಾಣಿ,  ಮುಖಂಡರಾದ ರಿಯಾಜ್ ಚೌಗಲಾ, ಶಂಕರ ಉಮರಾಣಿ, ಶಿವು ಅವರ ಸಹೋದರ ಧನಂಜಯ ಪೂಜೇರಿ, ಜುಬೇರ ಹಾಗೂ ಇನ್ನಿತರರು ಉಪಸ್ಥಿತರಿದ್ದರು.