ಪಾಮಲದಿನ್ನಿ ಗ್ರಾಮದಲ್ಲಿ ವಿವಿಧ ಕಟ್ಟಡ ಕಾಮಗಾರಿಗೆ ಪೂಜೆ

ಗೋಕಾಕ ತಾಲ್ಲೂಕಿನ ಪ್ರಮುಖ ಗ್ರಾಮ ಪಂಚಾಯಿತಿ ಪಾಮಲದಿನ್ನಿ ವ್ಯಾಪ್ತಿಯಲ್ಲಿ ಸುಮಾರು 1ಕೋಟಿ ರೂಪಾಯಿ ವೆಚ್ಚದಲ್ಲಿ ವಿವಿಧೆಡೆ 6 ಶಾಲಾ ಕೊಠಡಿ ಹಾಗೂ ರಾಜೀವ ಗಾಂಧಿ ಸೇವಾ ಕೇಂದ್ರದ ಕಟ್ಟಡ ಭೂಮಿ ಪೂಜೆಗೆ ನೆರವೇರಿಸಲಾಯಿತು.

ಈ ಸಂದರ್ಭದಲ್ಲಿ ಅಧ್ಯಕ್ಷರಾದ ಶ್ರೀ ಮಲ್ಲಪ್ಪ ಕಾಡಪ್ಪ ಕೌಜಲಗಿ,ಭೀಮಶಿ ನಿಲಜಗಿ,ಮಲ್ಲಪ್ಪ ಕಮತಿ, ತಾಲೂಕು ಪಂಚಾಯತ ಸದಸ್ಯರಾದ ಸಿದ್ದವ್ವ ಸಂಪಗಾರ, ಹಾಗೂ ಶಾಲಾ ಸುಧಾರಣ ಸಮೀತಿಯ ಸದಸ್ಯರು ಶಾಲಾ ಪ್ರದಾನ ಗುರುಮಾತೆ ಶ್ರೀಮತಿ ರೇಣುಕಾ ಹಿರೇಮನಿ ಶಾಲಾ ಕಟ್ಟಡ ಭೂಮಿ ಪೂಜೆ ನೆರವೇರಿಸಿದರು.

ಈ ಸಂದರ್ಭದಲ್ಲಿ ಮಾತನಾಡಿದ ಶ್ರೀ ಮಲ್ಲಪ್ಪ ಕಾಡಪ್ಪ ಕೌಜಲಗಿ ಈ ಕಾರ್ಯಕ್ರಮಕ್ಕೆ ಶ್ರೀ ರಮೇಶ ಜಾರಕಿಹೊಳಿ ಅವರು ಬರಬೇಕಾಗಿತ್ತು ಆದರೆ ಹಲವಾರು ಅಡೆತಡೆಗಳಲ್ಲಿ ಗ್ರಾಮದ ಅಭಿವೃದ್ಧಿ ಕುಂಟಿತವಾಗಬಾರದು ಎಂಬ ಉದ್ದೇಶದಿಂದ ಶ್ರೀ ರಮೇಶ ಜಾರಕಿಹೋಳಿ ಅವರ ಮಾರ್ಗದರ್ಶನದಂತೆ ಊರಿನ ಎಲ್ಲ ಮುಖಂಡರನ್ನು ಹಾಗೂ ಊರಿನ ಹಿರಿಯನ್ನು ಸೇರಿಸಿಕೊಂಡು ಪೂಜಾ ಕಾರ್ಯಕ್ರಮ ನಡೆಸಿದ್ದು.

ಮುಂಬರುವ ದಿನಗಳಲ್ಲಿ ನಮ್ಮ ಸಾವಕಾರ ರಮೇಶ ಜಾರಕಿಹೊಳಿಯವರು ನಮ್ಮ ಗ್ರಾಮದ ಮೇಲಿನ ಪ್ರೀತಿ ವಿಶ್ವಾಸ ಹೀಗೆ ಇರಲಿ ,ಮತ್ತು ಅವರ ಮೇಲಿನ ರಾಜಕೀಯ ಷಡ್ಯಂತ್ರ ದೂರವಾಗಿ ನಮ್ಮ ಸಾವಕಾರ ಮತ್ತಷ್ಷು ಪ್ರಭಲ ರಾಜಕೀಯ ನೇತಾರನಾಗಿ ಹೊರ ಬರುವ ಆತ್ಮ ವಿಶ್ವಾಸ ನಮ್ಮೆಲ್ಲರಿಗೂ ಇದೆ ಅಂತ ಹೇಳಿದರು.ಈ ಸಂದರ್ಭದಲ್ಲಿ ಊರಿನ ಎಲ್ಲ ಗುರು ಹಿರಿಯರು ಉಪಸ್ಥಿತರಿದ್ದರು.