ನೇರ ಸಂಭಾವಣೆ ಪೌರಕಾರ್ಮಿಕರ ವೇತನ ಕಟ್ ಮಾಡಿ ಇನ್ನೊಬ್ಬರಿಗೆ ನೀಡಿದರೆ ಕಾನೂನು ಕ್ರಮ : ಹರೀಶ ನಾಯಕ

ಬೆಳಗಾವಿ : ಕರ್ನಾಟಕ ರಾಜ್ಯ ಸರ್ಕಾರ ನಗರ ಸ್ಥಳೀಯ ಸಂಸ್ಥೆಗಳಲ್ಲಿ ಕೆಲಸ ಮಾಡುತ್ತಿರುವ ಪೌರಕಾರ್ಮಿಕರ ನೇರ ನೇಮಕಾತಿ ಹಿನ್ನಲೆಯಲ್ಲಿ ಮೀಸಲಾತಿಯನ್ನು ಅನುಸರಿಸಿ ನೈಜ್ ಕಾರ್ಮಿಕರನ್ನು ಖಾಯಂಯಾತಿಯಿಂದ ವಂಚಿಸಿದೆ ಎಂದು ಕರ್ನಾಟಕ ರಾಜ್ಯ ಮುನಿಸಿಪಲ್ ಕಾರ್ಮಿಕರ ಸಂಘದ ರಾಜ್ಯಾಧ್ಯಕ್ಷ ಹರಿಶ್ ನಾಯಕ ಅವರು ಆರೋಪಿಸಿದರು.

ಅವರು ಬುಧವಾರ ನಗರದಲ್ಲಿ ಮಾತನಾಡಿ, ನಗರ ಸ್ಥಳೀಯ ಸಂಸ್ಥೆಗಳಲ್ಲಿ ಕೆಲಸ ಮಾಡುತ್ತಿರುವ ಗುತ್ತಿಗೆ/ಹೊರಗುತ್ತಿಗೆ ಹಾಗೂ ನೇರ ಸಂಭಾವಣೆಯ ಕಾರ್ಮಿಕರ ಬದುಕು ಅತಂತ್ರಸ್ಥಿತಿಯಲ್ಲಿದೆ. ಪೌರಕಾರ್ಮಿಕರು ಮತ್ತು ಲೋಡರ್, ಕ್ಲಿನಿಂಗ್ ಕೆಲಸದಲ್ಲಿ 15-20 ವರ್ಷಗಳಿಂದ ದಲಿತ ಸಮುದಾಯದ ಕಾರ್ಮಿಕರು ಮಾತ್ರ ಮೀಸಲಾಗಿದ್ದು,

ಆದರೆ ನೇರ ನೇಮಕಾತಿಯ ಹೆಸರಲ್ಲಿ ಕಚೇರಿಯಲ್ಲಿ ಕಂಪ್ಯೂಟರ ಆಪರೇಟರಗಳಾಗಿ ಸ್ವಚ್ಛತಾ ಕೆಲಸ ಮಾಡದೆ ತಿಂಗಳ ವೇತನ‌ ಪಡೆಯುತಿದ್ದಾರೆ ಅದಲ್ಲದೆ ಕೆಲವು ಕಡೆ ನೇರ ಸಂಬಾವಣೆ ಪಡೆಯುತ್ತಿರುವ ಪೌರಕಾರ್ಮಿಕರ ವೇತನದಲ್ಲಿನ ಹಣ ಖಡಿತ ಮಾಡಿಕೊಂಡು ಕಚೇರಿಯಲ್ಲಿ ಕೆಲಸ ಮಾಡುತ್ತಿರುವವರಿಗೆ ನಿಡುತ್ತಿರುವುದು ಅಕ್ಷ್ಯಮ ಅಪರಾದ ಅಂತವರ ವಿರುದ್ದ ಪ್ರಕರಣ ದಾಖಲ ಮಾಡಲಾಗುತ್ತದೆ, ಬೇಕಿದ್ದರೆ ಕಚೇರಿಯಲ್ಲಿ ಕೆಲಸ ಮಾಡುವವರಿಗೆ ಕಚೇರಿಯ ಸಿಬ್ಬಂದಿಗಳ ವೇತನದಿಂದ ನೀಡಲಿ ಎಂದರು.ನೇರ ಸಂಬಾವಣೆ ಪಡೆಯುತ್ತಿರುವ ಪೌರಕಾರ್ಮಿಕರ ಹೆಸರಲ್ಲಿ ಬೇರೆ ಕೆಲಸ ಮಾಡುತ್ತಿರುವವರ ವಿರುದ್ದವು ಪ್ರಕರಣ ದಾಖಲಿಸುದಾಗಿ ತಿಳಿಸಿದರು. ನೈಜ ಪೌರಕಾರ್ಮಿಕರು ನೇರ ನೇಮಕಾತಿಯಲ್ಲಿ ಕಡಿಮೆ ಸಂಖ್ಯೆಯಲ್ಲಿ ನೇಮಕಾತಿಯಾಗಿದ್ದು, ಈಗ ಲೋಡರ್ ಮತ್ತು ಕ್ಲೀನರ್ ನೇಮಕಾತಿ ಪ್ರಕ್ರಿಯೆ ನಡೆಯಲಿದ್ದು, ನೇರ ನೇಮಕಾತಿ ಬದಲು ಖಾಯಂ ಯಾತಿಗೆ ಸರ್ಕಾರ ಮುಂದಾಗಬೇಕೆಂದು ಒತ್ತಾಯಿಸಿದರು.

ಇನ್ನು ಕಸವನ್ನು ಚಾಲಕರು ಕಸದ ಜೊತೆಗೆ ಇರುವುದರಿಂದ ಅವರಿಗೂ ಲೋಡರ್ ಮತ್ತು ಕ್ಲೀನರಗಳ
ನೇಮಕಾತಿಯಂತೆ ಮಾಡಬೇಕು. ಈ ಹಿಂದೆ ಪೌರಕಾರ್ಮಿಕರ ನೇಮಕಾತಿಗೆ ಮುಂದಾದ ಸಂದರ್ಭದಲ್ಲಿ ವರ್ಗಕ್ಕೆ ನೀಡಿದ ಮೀಸಲಾತಿಯಲ್ಲಿ ಅಭ್ಯರ್ಥಿಗಳೂ ದೊರಕದೆ ಇದ್ದು, ಸದರಿ ಸ್ಥಾನಗಳು ಖಾಲಿ ಇರುತ್ತವೆ. ಅಂತಹ
ಸ್ಥಳದಲ್ಲಿ ಹಾಲಿ ದುಡಿಯುತ್ತಿರುವ ಪೌರ ಕಾರ್ಮಿಕರನ್ನೆ ಪರಿಗಣಿಸುವಂತೆ ಒತ್ತಾಯಿಸಿದ್ದಾರೆ.

ಈ ಸಂದರ್ಭದಲ್ಲಿ ಉಕ ಜಿಲ್ಲಾಧ್ಯಕ್ಷ ಡಿ. ಶಾಮಸನ್, ಜಿಲ್ಲಾಧ್ಯಕ್ಷ ಬಸವರಾಜ ಕಾಂಬಳೆ ಮತ್ತು ಮಹಾನಗರ ಅಧ್ಯಕ್ಷ ವಿಠಲ ತಳವಾರ ಹಾಗೂ ಪತ್ರಕರ್ತರು ಉಪಸ್ಥಿತರಿದ್ದರು.