ಎಂಇಎಸ್ ಪುಂಡರ ಬಂದ್ ಕರೆಗೆ ಅವಕಾಶ ನೀಡಬಾರದೆಂದು ಕರವೇ ಗಜಸೇನೆ ಆಗ್ರಹ

ಬೆಳಗಾವಿ: ವಿಧಾನ ಸಭೆ ಅಧಿವೇಶನದಲ್ಲಿ ಬೆಳಗಾವಿ ಅಭಿವೃದ್ಧಿಗೆ ಪ್ರತಿಭಟಿಸೋದು ಬಿಟ್ಟು ಅಧಿವೇಶನದ ಆಶಯವನ್ನು ಹಾಳು ಮಾಡಲು ಹೊರಟಿದ್ದ MES ಪುಂಡರ ನಡೆಗೆ ಬೇಸತ್ತು ಬೆಳಗಾವಿ ಸ್ವಾಭಿಮಾನಿ ಯುವಕ ಸಂಪತ್ತ ಕುಮಾರ್ ದೇಸಾಯಿ ಆ ಪುಂಡನ ಮುಖಕ್ಕೆ ಮಸಿ ಬಳಿಯುವ ಮೂಲಕ ಕನ್ನಡಿಗರ ಆಶಯವನ್ನ ಎತ್ತಿ ಹಿಡಿದಿದ್ದಾನೆ : ಕರವೇ ಗಜಸೇನೆ ಉತ್ತರ ಕರ್ನಾಟಕದ ಯುವ ಘಟಕದ ಅಧ್ಯಕ್ಷ ಪವನ ಮಹಾಲಿಂಗಪುರ ಹೇಳಿದರು.

ಇಂತಹ ವೀರ ಕನ್ನಡಿಗರ ಬೆಂಬಲಕ್ಕೆ ಸಮಸ್ತ ಕನ್ನಡಿಗರು ನಿಲ್ಲಬೇಕಾಗಿದೆ. ಕನ್ನಡಿಗರ ಭಾವನೆಗಳಿಗೆ ಘಾಸಿ ಮಾಡುತ್ತಿದ್ದ ಮತ್ತು ಬೆಳಗಾವಿ ಅಭಿವೃದ್ಧಿಗೆ ಅಡ್ಡಗಾಲು ಹಾಕುತ್ತಿದ್ದ ಎಂಇಎಸ್ ಪುಂಡನ ಮುಖಕ್ಕೆ ಮಸಿ ಬಳಿದ ನಿರ್ಧಾರ ಸರಿಯಾಗಿದೆ.

ಕನ್ನಡ ನಾಡು ನುಡಿ ಜಲ ಹಾಗೂ ಭಾಷೆ ವಿಚಾರಕ್ಕೆಎಲ್ಲ ಕನ್ನಡಪರ ಸಂಘಟನೆಗಳ ಒಗ್ಗೂಡುವಿಕೆ ಬಹು ಮುಖ್ಯವಾಗಿದೆ…. ನಾಳೆ ಬಂದ್ ಗೆ ಕರೆ ನೀಡಿರುವ MES ಪುಂಡರನ್ನ ಬಂಧಿಸಿ ಬಂದ ಗೆ ಅವಕಾಶ ನೀಡಬಾರದೆಂದು ಸರ್ಕಾರಕ್ಕೆ ಸಮಸ್ತ ಕನ್ನಡಿಗರ ಪರವಾಗಿ ಅಗ್ರಹಿಸುತ್ತೇನೆ ಎಂದರು.